US President Donald Trump-a riralna lian tak, ‘Golden Dome’ missile defense shield kalpui mektu, Gen. Michael Guetlein chuan he project hi kum 2028 hmaa zawh hman a tum hle a. Mahse, Trump administration-in khawvel hmun hrang hranga sumdawnna leh chhiah (tariffs) chungchanga thutlukna a siamte chuan thiantha ram dangte nen thawhdunna kawngah harsatna lian tak a siam mek a ni. Guetlein-a sawi danin, ram dangte nena inbiakna hi ‘trade war’ avangin a thuanawp a, hei hian venhimna hna hi a tikhawmuang thei a ni.
He invenna kulhpuia pawimawh em em chu a hmun (geography) a ni. Canada leh Greenland (Denmark hnuaia awm) te hi Russia leh China atanga missile lo thlawk chhuak tur hmu hmasa ber thei hmun an ni a. Mahse, President Trump-a’n Greenland lei a tumna leh Canada chunga chhiah tihsan a tumna te chuan he inzawmna hi a tichhia a ni. Gen. Michael Guetlein-a chuan a inbiakna hmasa ber turte pawh ala neih loh thu leh, sorkar-in sumdawnna chungchang a sut kian hma chu hma a lak hleitheih loh thu a tarlang.
Denmark Prime Minister Mette Frederiksen chuan ram hrang hrangte zah thiam chunga inbiakna neih a duh thu a sawi a, Trump-a’n Greenland lei a tumna chu lungawilohna lian tak a ni. Hetih lai hian Canada pawh Trump-a hmalakna avangin a mangang hle a, Canada Ambassador Kirsten Hillman chuan Trump-a thuchhuah tam tak chu a hriatthiam loh thu a tarlang hial. Canada hian he ‘Golden Dome’ hi ‘Continental Shield’ tiin an ko thung a, mahse an ram pahnih inkar boruak chhia hian thawhdun zelna kawngah thim a tithei hle a ni.
He missile shield hi space-based sensors leh interceptors hman tur a ni a, a hna hi a hautak hle a ni. Gen. Guetlein-a hian tling lo deuh (85% product) pawh ni se, hman thuai a duh avangin chak takin hma lak a tum a. Pentagon chuan company 18-te hnenah he project atana prototype siam tur hian contract a pe tawh bawk. Mahse, ram dangte hmun hma hman theih loh a nih chuan he invenna hian a tum ber a hlen zo lo vang tih hi mithiamte hlauhthawn ber a ni.